•Thursday, May 22, 2014
တိတ်ဆိတ်လွန်းတော့လဲ
ပူညံပူညံ လုပ်တတ်တဲ့
ချစ်ဇနီးလေးကို သတိရတယ်
တိတ်ဆိတ်လွန်းတော့လဲ
အိပ်ကောင်းတဲ့အချိန်နို့ထတိုက်ရတဲ့
သားသားလေးကို သတိရတယ်
တိတ်ဆိတ်လွန်းတော့လဲ
မနက်မိုးလင်းတာနဲ့ ကြားရလေ့ရှိတဲ့
တရားသံတွေကို သတိရတယ်
တိတ်ဆိတ်လွန်းတော့လဲ
အလုပ်များတဲ့အချိန်မှ စာမေးဖို့ဝိုင်းအုံနေတတ်တဲ့
တပည့်လေးတွေကို သတိရတယ်
တိတ်ဆိတ်လွန်းတော့လဲ
ခင်မင်ရင်းနှီးစွာ ပြောတတ်လွန်းတဲ့
လုပ်ဖော်ကိုင်ဘက် ဆရာ/ဆရာမတွေကို သတိရတယ်
တိတ်ဆိတ်လွန်းတော့လဲ
နှစ်ရက်တစ်ခါလောက် ဖုန်းဆက်ပြီး နေကောင်းလားမေးတတ်တဲ့
မေမေ့ကို သတိရတယ်
တိတ်ဆိတ်လွန်းတော့လဲ
အဓိပတိလမ်းပေါ်က အဆက်မပြတ်ရှိနေတတ်တဲ့
ဆိုင်ကယ်သံတွေကို သတိရတယ်
တိတ်ဆိတ်လွန်းတော့
ကိုယ့်ကိုယ်ကို သတိရဖို့တောင်
တခါတခါ မေ့နေတတ်ပြီ MTU ရေ။
သူရဲကောင်းကြယ်
