အချစ်ဆိပ်တွေ ငယ်ထိပ်ထိ တက်နေလို့
လူလည်း ယဲ့ယဲ့ပဲ ကျန်တော့တယ်။
နေ နဲ့ လ ကို ခုံမှာ တပ်ပြီး
မြန်မာပြည်ကို စကိတ်စီး လာလိုက်ချင်တယ်။
မူးပဲ ဖြစ်ဖြစ် ကောင်မလေးရယ်
နင်ဟာ ငါ့ အတွက် မြစ်တစ်စင်းပါ။
နင့်ရယ်သံလေးတွေက ငါ့ နှလုံးအိမ်ရဲ့
ဆည်းလည်း သံလေးတွေပေါ့။
နေမြင့်လေ အရူးရင့်လေ ဘဝထဲမှာ
ငါ့ကို တစ်ယောက်တည်း မထားခဲ့ပါနဲ့ဟာ။
herostar
•Thursday, April 15, 2010
ကျွန်တော် ဆယ်တန်းအောင်တော့ မြန်မာစာကလွဲရင် ဂုဏ်ထူးအားလုံးပါတယ်လေ။ အောင်စာရင်း မထွက်ခင်တုန်းက တစ်ကိုယ်လုံး ရွှေသုတ်ထားမယ်ဆိုတဲ့ ကျွန်တော့် ဆရာက အမှတ်တရအဖြစ် ကချင် လွယ်အိတ်အနီလေး တစ်လုံး လက်ဆောင်ပေးပါတယ်။ အထက်တန်း ကျောင်းသားဘဝ တလျှောက်လုံးမှာ အဖေ့ စစ်လွယ်အိတ်ကြီးကိုပဲ လွယ်ခဲ့ရလို့ ဒီကချင် လွယ်အိတ်လေးကို အရမ်းနှစ်သက်မိပါတယ်။တက္ကသိုလ် စတက်တော့ ပထမနှစ်မှာ စစ်သားတွေလိုပဲ ကျောင်းတက်ခဲ့ရတယ်လေ။ ပြင်ဦးလွင်မှာ ကျောင်းသားချည်းပဲ ၁၆၀ ကျော် အတူတူတက်ခဲ့ရလို့ ကချင် လွယ်အိတ်လေးကို မလွယ်ဖြစ်ဘဲ သိမ်းထားခဲ့တာ တစ်နှစ်ကြာတယ်။ ဒီလိုနဲ့ သူနဲ့ ကျွန်တော် ရင်းနှီးရမဲ့ တက္ကသိုလ် ဒုတိယနှစ်ကို ရောက်ခဲ့တယ်။ ဒီနှစ်မှာတော့ ကျွန်တော့်ရဲ့ ကချင်လွယ်အိတ်အနီလေးက ကျောင်းသွားတိုင် ကျွန်တော့် ဘယ်ဘက်ပခုံးထက်မှာ ပါနေကြလေ။ကျွန်တော်တို့ ကျောင်းမှာ လွယ်အိတ်ကြိုးထုံးလေးက အဓိပ္ပါယ်ရှိတယ်တဲ့။ လွယ်အိတ်ကြိုးထုံးလေးကို ရင်ဘတ်ရှေ့မှာ ထားရင် အဲ့ဒီကောင်လေးက ချစ်သူ ရှာနေပါတယ်ဆိုတဲ့ သဘောလေ။ အဲ့ဒီ လွယ်အိတ်ကြိုးထုံးလေး ပခုံးပေါ်ရောက်လာပြီဆိုရင် သူ့ချစ်သူကို ရှာဖွေ တွေ့ရှိသွားပြီဆိုတဲ့ သဘောပေါ့။ အဲ အဲ့ဒီအထုံးလေး နောက်ကျောကို ရောက်သွားပြီဆိုရင်တော့ သူ့မှာ ချစ်သူရှိနေပါပြီဆိုတဲ့ သဘောပေါ့လေ။ဒါတွေကို နောက်မှ သိတာပါ။ ကျွန်တော်သိတာက အစိုးရက လစဉ်ထုတ်ပေးတဲ့ လစာငွေလေးကို လောက်ငှအောင် သုံးနိုင်ဖို့ရယ်၊ လကုန်ရက်တွေမှာ အမေ့ကို ကန်တော့ငွေ ပေးနိုင်ဖို့ရယ်ပဲ တွေးနေတာနဲ့ တစ်ရက်ကို ၁၀ ဖိုးနှုန်းနဲ့ ရှည်နေတဲ့ ဒီဆံပင်ကိုတောင် လစဉ်မညှပ်ဖြစ်ဘူး။ အဲ့ဒီတုန်းက ဆံပင်တစ်ခါ ညှပ်ရင် ၃၀၀ ကျပ် ကျတယ်လေ။ ၂ လပေါင်းပြီး တစ်ခါ အောင်ဆန်းကေ ညှပ်ရင်တော့ ၂၀၀ ပဲကျတယ်လေ။ မန္တလေးမြို့နဲ့ ၁၀ မိုင်လောက်ဝေးတဲ့ MIT တောအုပ်ထဲမှာ ကျောင်းအိပ်၊ ကျောင်းစား ကျောင်းတက်ခဲ့ရတော့ ငွေသိပ်သုံးစရာလည်း မလိုဘူးလေ။
ဘဝကိုက ခြိုးခြံနိုင်မှ တော်ကာကျတာဆိုတော့ ကပ်စေးနည်းတယ် ထင်လည်း ဘယ်တတ်နိုင်ပါ့မလဲ။ ဝန်ထမ်းဖြစ်တဲ့ အဖေ့သင်ရိုးကို ကျေတယ် ပြောရမှာပဲ။ ကုန်သည်ဖြစ်တဲ့ အမေ့ စကားပရိယာယ်ကိုတော့ ခုထိ မကြွယ်သေးပါဘူး။ဒါပေမဲ့ လွယ်အိတ်နီလေးကိုတော့ ကျွမ်းကျွမ်းကျင်ကျင် လွယ်တတ်ခဲ့ပါတယ်။ ကျောင်းကပြန်လာလို့ အမောတကောနဲ့ အိပ်ပျော်သွားရင်တောင် လွယ်အိတ်က မချွတ်ဘူးလေ။ ဒီလွယ်အိတ်လေးထဲမှာ ဘယ်ဆရာ ဘာသင်သင် လိုက်မှတ်ဖို့ အတွက် A4 စက္ကူ ၁၀ ရွက်လောက်ပါတဲ့ ဖိုင်တစ်ခုရယ်၊ ခဲတံလေးတစ်ချောင်းရယ်။ ဘောပင်လေး တစ်လက်ရယ်၊ ဇွန်းလေးတစ်ချောင်းလည်း ပါတယ်။ ဇွန်းက ဘာလို့ ထည့်ထားရတာလဲဆိုတော့ Lecture တန်းတွေပြီးလို့ စားရိပ်သာမှ ထမင်း ဝင်စားတဲ့အခါ အဆင်သင့် ဖြစ်အောင်လို့ပေါ့ ။လွယ်အိတ်ကလေးရဲ့ ၅ နှစ်တာ တာဝန်တွေပြီးလို့ နောက်ရန်ကုန်ကို ပြောင်းပြီး ဘွဲ့ယူကျမ်းပြုစုရတော့လည်း သူက ပါစမြဲပဲလေ။ ရန်ကုန်မြို့ကို ကျွန်တော်က ငွေကုန်မြို့လို့ နာမည်ပေးထားမိတယ်။ ရေတောင် အလကားမရတဲ့ မြို့လေ။ ၂၀၀၅ ခုနှစ်လောက်ကပေါ့။ အင်းစိန်လမ်းမပေါ်က သံလမ်းမှတ်တိုင်ကနေ ကြို့ကုန်း (BBI) မှတ်တိုင်ထိ ၄၅ ကားစီးမယ်ဆိုရင် သမိုင်းလမ်းဇုံကို ကျော်လို့ ၄၀ ကျပ်ပေးရပါတယ်။ ကားခကို တစ်ဝက်ချွေတဲ့ အနေနဲ့ ၂၀ ကျပ်ပဲပေးပြီး သမိုင်းကနေ ကြို့ကုန်းထိ လမ်းလျှောက်ပါတယ်။ နောက်တော့ RC -2 ကနေ ကြို့ကုန်းထိ လမ်းလျှောက်တိုင်းလည်း ဒီလွယ်အိတ်ကလေးကပဲ ကျွန်တော့်ရဲ့ အဖော်ပေ့ါဗျာ။ကျွန်တော် ဒီကချင် လွယ်အိတ်အနီလေးကို အရမ်းချစ်ပါတယ်။ သူဟာ ကျွန်တော့်ရဲ့ ရဲဘော်ရဲဘက်တစ်ဦးပဲလေ။ သူမပါဘဲ လမ်းလျှောက်ရတဲ့အခါ တစ်ခုခုလိုနေသလို ခံစားရတယ်။ အင်္ကျီအဖြူဝတ်ရလွန်းလို့ မတော်တဆတစ်ခုခုများ စွန်းထင်းနေရင် လွယ်အိတ်ကလေးက အားကိုးရတယ်လေ။ ခုဆို သူ ကျွန်တော်နဲ့ အတူရှိနေတာ ဆယ်နှစ်တောင်ကျော်ပေါ့။
ရန်ကုန်မှာ အမှုတော်ထမ်းခဲ့ရုံတင်မကပဲ ဥရောပထိ လိုက်ထမ်းနေတုန်းပေါ့။ အနောက်တိုင်းသားတွေ ဘာပဲ လွယ်လွယ် ကျွန်တော်ကတော့ ကချင်လွယ်အိတ်လွယ်ပြီး ခုထိ သူတို့ ကျောင်းမှာ တက်နေတုန်းပါပဲ။ ပိုင်ဆိုင်မှုနည်းတဲ့ ဘဝထဲမှာ ကြီးပြင်းလာခဲ့ရလို့လားမသိပါဘူး။ ဘယ်အရာလေးကိုပဲဖြစ်ဖြစ် နှစ်နှစ်ကာကာ စွဲစွဲလန်းလန်းဖြစ်နေတတ်တယ်လေ။အသုံးပြုလို့ မရတော့ရင်တောင် အမှတ်တရ ပစ္စည်းတစ်ခုအဖြစ်
သိမ်းဆည်းထားတတ်တာ ကျွန်တော့် အကျင့်ပေါ့။
ခင်မင်လေးစားစွာဖြင့်herostar
•Wednesday, April 14, 2010
(၁)
ဘဝဟူသည် ကံကြမ္မာအလှည့် အပြောင်း အကွေ့အကောက်များစွာနှင့် ဆန်းကြယ်လှပေသည်။ မိသားစုဝင် (၆) ယောက်ရှိတဲ့ ကမ္ဘာလေးမှာ ငြိမ်းချမ်းမှုတို့ လွှမ်းခြုံ နေခဲ့သည်။ သူ့ရဲ့ မိသားစုဝင်တွေကတော့ သူ့မိခင်ရဲ့ မိဘနှစ်ပါး ဖြစ်တဲ့ သူ့အဖိုးနဲ့ သူ့အဖွားရယ်၊ သူ့မိခင်ကို သမီးရင်း တစ်ယောက်လို ပညာတွေသင်ပေးတဲ့ သူ့မိခင်ရဲ့ မွေးစားဖခင်ရယ်၊ သူ့ညီမလေးရယ်ပေါ့လေ။ သူ့ကိုတော့ မောင်လူအေးလို့ ခေါ်ကြတယ်လေ။
မောင်လူအေးလေး ပထမတန်းအောင်လို့ ဒုတိယတန်းတက်တော့ ၈၈ ကျောင်းသားအရေးအခင်းဖြစ်လို့ ကျီးလန့်စာစား နေနေရတဲ့အချိန်ပေါ့လေ။ အညာဒေသရဲ့ ဗုံးကျင်းတွေထဲမှာ ညီမလေး ယဉ်မွှေးကို ကျောမှာပိုးပြီး ဘယ်အချိန်များ လာလု ကြမှာလဲဆိုတဲ့ အသိနဲ့ အထိန့်တလန့် နေ့ရက်များကို ကျော်ဖြတ်ခဲ့ဖူးသည်။ နောက် ကျောင်းတွေ ပြန်ဖွင့်တော့ ညီမလေး ယဉ်မွှေးနဲ့ အတူတူ ကျောင်းသွားဖော်တွေ ဖြစ်ခဲ့သည်။
သူ့အိမ်မှာလျှပ်စစ်မီးမရခင် နေ့တွေတုန်းက ဓာတ်တိုင်တွေအောက် စာကျက်ခဲ့ရဖူးသည်။ ဝါဆို ဝါခေါင် မြစ်ရေကြီးချိန်ဆိုရင် သူတို့အိမ်လေး ရေမြှုပ်သည်။ အိမ်မှာနေလို့ မရတော့ဘဲ ကားလမ်းထိပ်က ဘုရားစောင်းတန်းမှာ တဲထိုးနေရသည်။ ဒါက အထူးအဆန်းတော့ မဟုတ်ပါ။ တစ်နှစ်ကို ၃ လလောက်တော့ နှစ်စဉ် ဒီလိုပဲ ရွှေ့ပြောင်းနေရတာက ကျင့်သားရနေကြပေပြီ။
ကျင့်သားမရသေးတာကတော့ သူ့မိခင်ရဲ့ အမျိုးသားဖြစ်သူက သူ့ညီမလေးကို ခိုးယူသွားခြင်းပင် ဖြစ်သည်။ အထီးကျန်ကမ္ဘာလေးထဲမှာ တစ်ယောက်တည်း ရှိစဉ်အချိန်တွေတုန်းက မသိသာပေမဲ့ ခုလို ရုတ်တရက် ပျောက်ဆုံးသွားတဲ့ ညီမလေးကို ရှာဖွေရင်း မျက်ရည် ပင်လယ်ဝေရတော့သည်။ မောင်နှမ ဟူသည် အတူနေစဉ် တုန်းကတော့ ဘယ်လောက်ချစ်မှန်းမသိသော်လည်း ခုလို ရုတ်တရက် ဝေးကွာသွားရတော့ တော်တော်လေး ခံစားရသည်။ သူ့ညီမလေးကို အရမ်းချစ်တဲ့ သူ့ပထွေးကို မောင်လူအေးလည်း ချစ်ပါသည်။ သူ့ ညီမလေးရဲ့ ဖခင်၊ သူ့ မိခင်ရဲ့ အမျိုးသားဆိုတော့ သူ့ခမျာ ချစ်ရှာသည်။ ငယ်စဉ်တုန်းက အဖိုးကို အဖေခေါ်ခဲ့တာက အကျင့်ပါနေတော့ သူ့ပထွေးရဲ့ နာမည်လေး တစ်လုံးကိုထည့်ုပြီး အဖေစိုးလို့ ခေါ်လေ့ရှိသည်။
ဒီလိုနဲ့ သူ ၇ တန်းကျောင်းသားအရွယ်ရောက်တဲ့ ၁၄ နှစ်သားလောက်မှာတော့ သူ့ဖခင်ရင်းကို မမျှော်လင့်ပဲ နတ်ပွဲတစ်ခုမှာ ဆုံဖြစ်ကြသည်။ သူ့ဘဝမှာ သူ့ဖခင်ရင်း ရှိတယ်ဆိုတဲ့ အသိကို ပေးနိုင်ခဲ့တာကတော့ သူတို့အိမ်မှာ ဘုရားရှိခိုးတိုင်း အမျှဝေနေကျ ကြေးစည်လေးပင် ဖြစ်သည်။ ထို ကြေးစည်လေး၌ သူ့ဖခင်ရင်း၏ နာမည်ကို ရေးထားလေသည်။ ဒါ ဘယ်သူ့နာမည်လဲလို့ မေးမိတိုင်း သူအရိုက်ခံရဖူးသည်။ နောက်တော့ မမေးဖြစ်တော့ပေမဲ့ အဲ့ဒါ သူ့ဖခင်ရင်း၏ နာမည်မှန်း သူသိလာခဲ့သည်။ သူ့အဖွားက သူ့ကို ရိုက်နှက်ဆုံးမတိုင်းလည်း အမျိုးတစ်ခြမ်းယုတ်လို့ ဆဲလေ့ရှိသည်။ ငယ်စဉ်ကတော့ ဘာကို ဆိုလိုမှန်း သူမသိခဲ့ပါ။
(၂)
" လူလေး နာမည် ဘယ်လို ခေါ်သလဲ"
ကျွန်တော့်နာမည် မောင်လူအေးပါ။ ဦလေးနာမည်ကရောလို့ မေးလိုက်တော့ အဲ့ဒီလူကြီးက သူ့နာမည်ကို ပြောပါတယ်။ ဒီနာမည်ကို ကျွန်တော်ကြားဖူးနေကြဗျ။ အိမ်က ကြေးစည်လေးမှာလည်း အဲ့ဒီနာမည်လေး ရေးထားတယ်။ ဘယ်လို ရေးထားလဲ လူးလေးရဲ့ လို့ မေးလိုက်တော့ မောင်မောင် လို့ ရေးထားတယ် ဦးလေး။ အော် ဒါဆို လူလေးက ဦးလေးရဲ့ သားအရင်းပါကွယ်ဆိုပြီး ဦးမောင်မောင်ဆိုတဲ့ လူကြီးက မောင်လူအေးလေးကို ပွေ့ချီလိုက်လေတော့သည်။ ဒီတော့ မောင်လူအေးလေး စိတ်ရှုပ်သွားမိသည်။
သူ့မှာ အဖေလို့ ခေါ်နေကြဖြစ်တဲ့ သူ့အဖိုးရယ်၊ အဖေစိုးလို့ ခေါ်ရတဲ့ သူ့ပထွေးရယ်၊ ခုနောက်တစ်ယောက် အဖေရင်းလို့ ပြောနေတဲ့ ဦးမောင်မောင်ဆိုတဲ့ လူကြီးရယ်။ နောက်တော့ အိမ်နီးနားချင်းတွေက ရှင်းပြတော့မှ သူ့ဘဝ ဇာတ်လမ်းစုံကို တစတစ သိမြင်လာခဲ့တော့သည်။
(၃)
" ဒါ ငါ့ ကလေး ဟုတ်ရဲ့လား"
ဒေါသတကြီးနဲ့ ပြောနေတဲ့ ဦးဖိုးမောင်ကို ဒေါ်ခင်ရွှေ ရှင်းပြမနေချင်တော့ပါ။ ရှမ်းစောဘွားမျိုးရိုးမှ ဆင်းသက်လာတဲ့သူဆိုတော့ စိတ်ကြီးသည်။ မာနကြီးသည်။ မိုးကုတ်မှာ ကျောက်တွင်းတွေ အများကြီး ပိုင်ဆိုင်ပြီး ရွှေပေါ်မြတင် နေလာခဲ့သူကို ဒီလို စကားမျိုးတွေနဲ့ ထိကပါး ရိကပါး ပြောလာတော့ အသဲ တွေတဆတ်ဆတ် နာလှသည်။ ရှင် အဲ့လောက်တောင် သံသယရှိနေရင် ကျွန်မကို ကွာရှင်းလိုက်လို့ တစ်ခွန်းတည်း ပြောပြီးတဲ့ နောက်မှာတော့ သူတို့ အိမ်ထောင်ရေးက သာသာယာယာ မရှိတော့ပါ။
တကယ်ဆို ကလေးတွေပဲ ၄ ယောက် ထွန်းကားနေခဲ့ပြီ။ အခုချိန်ထိ ဇနီးမယားအပေါ်မှာ ယုံကြည်ချက် ကင်းမဲ့နေသော သူ့ခင်ပွန်းကို စိတ်နာလွန်းလှသည်။ ခင်ပွန်းသည်ဆိုပေမဲ့ ဘာမှ အားကိုးလို့က မရ။ ဒီမိသားစုရဲ့ စားဝတ်နေရေးကို ဒေါ်ခင်ရွှေတစ်ယောက်တည်း ရုန်းကန်နေရသည်ပင် မဟုတ်ပါလား။ သူ့ကျောက်တွင်းမှာ အလုပ်လာလုပ်ကြတဲ့ အလုပ်သမားတွေ အများကြီးရှိသည်။ ဒီထဲကမှ မောင်ရဲဒင်သည် အလုပ်ကြိုးစားသူ တစ်ဦး ဖြစ်သည်။
(၄)
မောင်ရဲဒင်က ကျောက်တွင်းတွေမှာ ဦးစီးဦးဆောင်လုပ်နိုင်သူ ဖြစ်သည်။ ဒေါ်ခင်ရွှေ အပေါ်မှာလည်း အစ်မရင်း တစ်ဦးလို ကူညီ စောင့်ရှောက်တတ်သူဖြစ်သည်။ ဒီလိုနဲ့ တနေ့ ကျောက်တွင်းမှာ မိုင်းခွဲတော့ မတော်တဆ ဖြစ်ကာ မောင်ရဲဒင် တစ်ယောက် မိုင်းမှန်ပြီး အကြောတွေ ကပ်သွားရှာသည်။ သူ့အမျိုးသမီးနဲ့ သားကလေး ရှိရာ သူ့နေရပ်ကိုလည်း မပြန်လိုတော့ဘဲ သူ့ဘဝကို အဆုံးစီရင်ဖို့ အထိ စိတ်ဓာတ်တွေ ကျသွားခဲ့သည်။ မောင်တစ်ယောက်လို ချစ်ရတဲ့ မောင်ရဲဒင်ရဲ့ သတင်းကိုကြားတဲ့အခါ ဒေါ်ခင်ရွှေခမျာ နေမထိ ထိုင်မသာ ဖြစ်ခါ မောင်ရဲဒင်ကို ကိုယ်တိုင် ပြုစုပေးရှာသည်။
အစကတည်းက မကြည်မလင် ဖြစ်နေတဲ့ ဒေါ်ခင်ရွှေ၏ အိမ်ထောင်ရေးသည် ဒီမြင်ကွင်းကို တွေ့သွားတဲ့ သူ့ခင်ပွန်းက ရန်ရှာကာ အိမ်မှ နှင်ချလေတော့သည်။ သား နှစ်ယောက် သမီး နှစ်ယောက် ရှိတဲ့ သူ့အိမ်ထောင်ရေးမှာ သားနှစ်ယောက်ကို သူ့ခင်ပွန်းက ယူထားလိုက်ပြီး သမီးနှစ်ယောက် လက်ကို ဆွဲပြီး ရတနာမြေကို စွန့်ခွာခဲ့လေတော့သည်။
herostar
•Wednesday, April 14, 2010
၁။ ညှင်းသိုးသိုး ဖြစ်နေတယ်ထင်လို့ သဲကြိုးလဲ လိုက်တယ်။
၂။ သူ့ရှေ့မှာ 9 mm ကေနဲ့ အူရောင်ငန်းဖျား ဖြစ်သွားတယ်။
၃။ တချိန်ချိန်မှာ အမေ ခေါ်ရမဲ့ အန်တီအေးနဲ့ မိတ်ဆက်တယ်။
၎။ အေးချမ်းမေဘဝနဲ့ တိုင်ပတ်ရမဲ့ ရက်တွေ များတယ်။
၅။ ဂျလွတ်ပလွတ် ဖြစ်နေတာတောင် ပေသီးခေါက်တတ်တာ ငါပေါ့။
၆။ အလွမ်းတွေ ပုလင်းတူ ဗူးဆို့ဖို့ တခါတခါ အော်ဂျက် လုပ်ဖြစ်တယ်။
၇။ အထာမကျလို့ ပေတိုင်းနေမှာပဲ စိုးတာ။
၈။ အရမ်းဝေးတာ သိသွားလို့ သူ စိတ်ပိန်သွားရင် ဒုက္ခ။
၉။ ဆုံခွင့်မရမှာကိုတော့ ကျွတ်ကျဲမိတယ်။
၁၀။ စမုံတုံးဖို့ အလားအလာများရှိရင် သံချောင်းခေါက်ပေးကြပါ။
၁၁။ အော်ဆွေးဖြစ်ချင် ဖြစ်ပါစေ။ ပိုးဟပ်တော့ အဖြစ်မခံနိုင်ဘူး။
၁၂။ ဂွမ်းချင်သလောက်သာ ဂွမ်းပါစေတော့။ လွမ်းတာက တားမရလို့။
herostar
•Saturday, April 10, 2010
ပျော်ပျော်နေ သေခဲ မော်တော်တွေ ရေထဲဆိုတာ ကျွန်တော့်ရဲ့ လက်သုံး စကားတစ်ခုပေါ့ဗျာ။ ခုတော့ မော်တော်တွေ ကုန်းပေါ် ရောက်ကုန်ပေါ့။ အချစ်ဆိုတာ စိတ်ကို အနူးညံ့ဆုံးဖြစ်စေတဲ့ ဘုရင်တစ်ပါး ဖြစ်မယ်ထင်ပါတယ်။ အရင်က အဲ့လောက်ထိ ခံစားလွယ်တဲ့ လူမှ မဟုတ်တာ။ ကမ္ဘာဦးကျမ်းထဲက အာဒံနဲ့ ဧဝ ပန်းသီးစားမိသလို ကျွန်တော်လည်း ဒီအသီးကို စားမိသွားပေါ့။ သူနဲ့ တွေ့ရတဲ့အခါတိုင်း ပျော်သလိုလို ကြည်နူးသလိုလို ရင်ထဲမှာ တလှပ်လှပ်နဲ့ ပြည့်စုံမှုကို ခံစားရတယ်လေ။
ခဏတာ တွေ့ဆုံမှုလေး ပြီးတဲ့နောက်မှာ သူထွက်သွားတော့မယ်လည်းဆိုရော ရေပျော်ငါးလေး တစ်ကောင်ကို ကုန်းပေါ် ဆွဲတင်ထားလိုက်သလို ကျွန်တော့်ခမျာ ဖျတ်ဖျတ်ကို လူးနေတော့တာပါပဲဗျာ။ သူတို့ပျော်ကြမဲ့ ငါးရက်တာ ကာလလေးဟာ ငါး ကမ္ဘာခြားသွားသလို ခံစားနေရပေါ့။ လိပ်ကလေးကို ပက်လက် လှန်လိုက်သလို ယက်ကန်ယက်ကန်နဲ့ ယောင်ချာချာ ဖြစ်နေတော့မှာ အသေအချာပါပဲ။ မြန်မာပြည်က သင်္ကြန်ပွဲကို သွားလည်မဲ့ သိကြားမင်းကြီး ဥရောပကို ရောက်လာပြီး ကျွန်တော့်ချစ်သူကို မလွမ်းရဘူးလို့ လာတားတောင် ကျွန်တော်ကတော့ ဗူးဆို ဖရုံမသီးဘူးပဲ။
လွမ်းဖြစ်အောင်ကို လွမ်းနေမိမှာ အသေအချာပေါ့ဗျာ။ သူ့ကို ခေါင်းတခါခါ လည်တဆန့်ဆန့်နဲ့ မျှော်လွမ်းရင်း ကျွန်တော့် လည်ပင်းကြီး ပြင်သစ်က အီဖဲ မျှော်စင်နဲ့ တိုက်မိလို့ အရေးယူခံရလည်း ကျွန်တော်က မှုမှာ တော့မဟုတ်ပါဘူး။ တယုတယနဲ့ တသိမ့်သိမ့် လွမ်းနေပါ့မယ်။ မျက်ရည်တွေ သွင်သွင်စီးလာလို့ ရေတံခွန်တွေ အားကောင်းလာပြီး မြေထဲပင်လယ်ကြီး လျှံသွားမှာ စိုးရတယ်။ ဥရောပတိုက်သာ ရေမြုပ်သွားရင် အဓိက တရားခံဟာ ကျွန်တော့်ချစ်သူလေးပဲ ဖြစ်ပါလိမ့်မယ်။
ပန်းသီးတစ်လုံးရဲ့ ကောက်ကြောင်းကို ပုံမဖော်တတ်ပေမဲ့ ချစ်တဲ့သူကို ချစ်ကြောင်း ပြောဖို့ တော့ကျွန်တော့်ရင်ဘတ်က အလွမ်းတွေ တစိမ့်စိမ့်ထွက်ပါတယ်။
ဒီနှစ်လည်း လွဲပြန်ပေ့ါ ချစ်ရတဲ့ ချစ်သူ သင်္ကြန်ရယ်။
သင်္ကြန်မှာ အားလုံးပျော်ရွှင်ကြပါစေ။
ခင်မင်လေးစားလျက်
herostar
အာ...ဝါး ပေးမယ်နော်။
herostar.aung@gmail.com
