b သူရဲကောင်းကြယ်: July 2010
ဟုတ် အမေ ... ကျွန်တော် အဆင်ပြေပါတယ်။
•Friday, July 23, 2010
အစာအိမ်ရောဂါကြောင့် ဆေးရုံတက်ရမဲ့ရက်မှာပဲ အမေ့ဆီက ဖုန်းလာတယ်။ သားကြီး နေကောင်းလားတဲ့ ။ နေမကောင်းဘူး ပြောလိုက်ရင် မျက်ရည်အဝိုင်းသားနဲ့ စိုးရိမ်တကြီးမေးတော့မဲ့ အမေ့အသံကို မကြားရက်တာနဲ့ ဟုတ် အမေ ကျွန်တော် အဆင်ပြေပါတယ် လို့ ဖြေခဲ့တယ်။

ကျောင်းစာအုပ်တွေနဲ့ Lab ခန်းထဲမှာ တိုင်ပတ်နေတုန်း ညနေစာအဖြစ် အကျင့်မရှိခဲ့တဲ့ ပေါင်မုန့်ကို ထမင်းအမှတ်နဲ့ စားနေခိုက် အွန်လိုင်းမှာ အမေနဲ့ တွေ့တယ်။ သားကြီး စားရသောက်ရတာ အဆင်ပြေလားတဲ့။ အမေ့ ထမင်းဟင်းတွေနဲ့ အမေ့အကြောင်းကို သိထားတာမို့ သူ့ကို စိတ်မဆင်းရဲစေချင်တာနဲ့ ဟုတ် အမေ ကျွန်တော် အဆင်ပြေပါတယ် လို့ ဖြေနေရတယ်။

မြို့ခေါင်ခေါင်မှာ တစ်ယောက်တည်းလာနေရလို့ အမိမြေကို လွမ်းနေခိုက် အမေ့ဆီက စာလာတယ်။ သားကြီး နိုင်ငံခြားမှာ နေရတာ ပျော်ရဲ့လားတဲ့။ ဟုတ် အမေ ပျော်ပါတယ်။ ဒီမှာ အားလုံးအဆင်ပြေပါတယ် လို့ စာပြန်လိုက်တယ်။

စိတ်ညစ်စရာ တပုံတခေါင်းနဲ့ သွေးပျက်ညတွေမှာ တစ်ယောက်တည်း အိပ်စက်ရတဲ့အခါတိုင်း အိမ်ကို သတိရတယ်။ သူငယ်ချင်းတွေကို လွမ်းတယ်။ ကျွန်တော့်စိတ်ခံစားချက်တွေကို အိမ်က မေးတိုင်း ဟုတ် အမေ ... ကျွန်တော် အဆင်ပြေပါတယ် လို့ ပြန်ဖြေတတ်တာ ကျင့်သားရနေပြီဆိုတော့ ဘယ်လောက်ပဲ ခက်ခဲနေပါစေ ဒီစကားကလွဲလို့ ဘာမှ ထွက်မလာခဲ့ဘူး။

ဘယ်တော့များမှ ကျွန်တော့် အမေကို အမေ ... ကျွန်တော် အဆင်မပြေဘူးလို့ ပြောဖြစ်မယ် မသိတော့ပါ။

ခင်မင်လေးစားလျက်

herostar


| comments (7)