လမိုက်ညများတွင် ဆွဲဆွဲငင်ငင်အူတတ်သော ခွေးအူသံများကို ကြားရသည့်အခါ ငယ်စဉ်က ကြောက်စိတ်များ ဝင်ခဲ့ဖူးသည်။ ခြောက်ခြားဖွယ်နေ့ရက်များတွင် အမိ၏ ရင်ခွင်ကြား၌ ခေါင်းကလေးကို ဖွက်၍ နေချင်ခဲ့သော်လည်း ဘဝက မျက်နှာသာ မပေးခဲ့ချေ။

ဘုန်းကြီးကျောင်းသားအဖြစ် ကျောင်းအိပ် ကျောင်းစား နေရင်း အစိုးရ အတန်းပညာများကိုလည်း လေ့လာရသည်။ ကျောင်းပိတ်ရက်များတွင် ပရိတ်ကြီး ၁၁ သုတ်၊ သဒ္ဒါ၊ ဗုဒ္ဓဝင်၊ မဟာဝင် စသည်တို့ကို ဘကြီး ဘုန်းကြီးထံတွင် သင်ယူ ရသည်။ ဘုန်းကြီးကျောင်းသား ဟင်းကောင်းစားရသည်မှာ မှန်သော်ငြားလည်း စာသင် စာအံရချိန်များတွင် အလွန်ပင် ခက်ခဲပါသည်။ ပရိတ်ကြီး (၁၁) သုတ်နှင့် ရှင်ကျင့်ဝတ်ကို အာဂုံဆောင်ထားရပြီး ထမင်းစားတိုင်းလည်း အလှူရှင်များကို မေတ္တာပို့ရသည်။

ထိုစဉ်အခါက ကျွန်တော့်ကို အမှန်တကယ်ခင်မင်ကြင်နာသူမှာ သက်ရှိဆို၍ ခွေးပိန်လေးတစ်ကောင်သာ ဖြစ်လိမ့်မည်ဟု မှတ်ထင်မိသည်။ သူသည် ကျွန်တော်၏ မိတ်ဆွေ၊ ကျွန်တော်၏ ကစားဖော်၊ ကျွန်တော်၏ စားဖော် ဖြစ်ပေလိမ့်မည်။ သူနှင့် ကျွန်တော်သည် ဘဝတူများ ဖြစ်လိမ့်မည်ဟုလည်း ယုံကြည်မိပါသည်။

မကောင်း ကျောင်းပို့ ဆိုသည့်မြန်မာ စကားပုံတစ်ခုရှိသည်။ သူ့ကို သူ့သခင်များက ကျွန်တော့်လိုပဲ ဆိုး၍ ဘုန်းကြီးကျောင်းတွင် အပြီးပို့ထားခဲ့ခြင်းလားတော့ ကျွန်တော်လည်း သေချာမသိပါ။ ကျွန်တော့်ကိုတော့ အင်မတန်ဆိုးလွန်း၍ မိဘများက ဘုန်းကြီးကျောင်းတွင် ပို့ထားခဲ့ခြင်း ဖြစ်ပေသည်။ ထိုခွေးပိန်လေးကိုတော့ ကျားဘို ဟု ကျွန်တော်က နာမည် ပေးထားပါသည်။

သူသည် ညစဉ် ညတိုင်း ကျွန်တော့် ခြေရင်းတွင်သာ အိပ်လေ့ရှိပါသည်။ မည်သို့ပင် မောင်းထုတ်စေကာမူ ပေကပ်ကပ် ဂျစ်ကန်ကန်နိုင်လှသော သူ့အပြုအမူတွေကြောင့် ကျွန်တော်ပင် လက်လျှော့ခဲ့ရသည်။ ကျွန်တော်တို့ ကျောင်းသို့ သူ ရောက်လာခါစက လသားအရွယ်လေးမျှသာ ရှိသေးသည်။ နို့ပင် မပြတ်သေးသော အရွယ်မို့ ကျွန်တော် အလွန်ကြိုက်သော နွားနို့များကိုပင် သူ့ကိုသာ တိုက်ခဲ့ရသည်။

ဘကြီး ဘုန်းကြီးကလည်း သူ့ကို အလွန်ချစ်ပါသည်။ သူ့အတွက် ဆောင်းတွင်းမှာ နွေးနွေးထွေးထွေး ကွေးဖို့ ဂုန်နီအိတ်တစ်လုံး ပေးထားပါသည်။ သူကတော့ ထို ဂုန်နီအိတ်လေးကို ကိုက်ချီလာပြီး ကျွန်တော့် ခြေရင်းတွင်သာ အိပ်ပါသည်။ မနက်(၄)နာရီခန့် လင်းကြက်တွန်သံကြားသည့်အခါ ကျွန်တော် အုန်းမောင်းထခေါက်ရပါသည်။ လင်းကြက်သံကို ကျားဘိုက ကောင်းကောင်း သိသည်။ ထိုအသံကြားလျှင် ကျွန်တော့် ခြေထောက်ကို သူ့နှုတ်သီးဖြင့် ထိုးပါတော့သည်။ ထိုမျှနှင့် မနိုးလျှင်တော့ ခေါင်းရင်းဘက်ထိ လာပြီး သူ့လျှာဖြင့် ပါးလျက် နားလျက် လုပ်ပါတော့သည်။ အိပ်မက်မှ လန့်နိုးသည့် အခါများတွင်တော့ သူ့ကို စိတ်တိုမိပါသည်။

သူကတော့ ကျွန်တော့်ကို စိတ်တိုလေ့ မရှိပါ။ သွားလေရာ လိုက်လာတတ်ပါသည်။ ဤသို့ဖြင့် ၃ နှစ်မျှ စားအတူ သွားအတူ နေလာခဲ့ရာ တစ်ရက်တွင် ဘုန်းကြီးကျောင်းအောက်၌ ကျွန်တော် နှစ်ခြိုက်စွာ အိပ်ပျော်နေခဲ့ပါသည်။ ဘယ်က ဘယ်လို ရောက်လာမှန်းမသိသော ကြောင်တစ်ကောင်က မြွေတစ်ကောင်ကို ချီလာပြီး ကျွန်တော့်နားတွင် ထားခဲ့ခြင်းဖြစ်ပါသည်။ ထိုအခြင်းအရာကို သိသော ကျွန်တော့် ခွေးပိန်လေး ကျားဘိုက ထို မြွေ ကျွန်တော့်ဘက်သို့ မလာစေရန် ကျွန်တော့်ကို ကာ၍ ထိုးဟောင်နေခြင်း ဖြစ်ပါသည်။ သူ၏ စူးစူးဝါးဝါး ဟောင်သံကြောင့် ကျွန်တော် ရုတ်တရက် နိုးလာသောအခါ ကြောက်လန့်တကြား ထပြေးမိပါတော့သည်။

နောက်မှ အသိဝင်လာကာ တုတ်တစ်ချောင်းကို ယူလာပြီး ထိုမြွေကို ခြောက်ထုတ်ရပါတော့သည်။ ခုချိန်ထိ အသက်သခင် ခွေးပိန်လေးကို အမှတ်ရနေမိပါသည်။ မည်သူမျှ ကျွန်တော်အား မမှတ်မိသည့်တိုင် ပြန်ရောက်ဖြစ်တိုင်း ကျွန်တော့်ကို မှတ်မိနေတတ်သူမှာ ထိုခွေးပိန်လေးပဲ ဖြစ်ပါသည်။ ကြာခဲ့ပြီ ဆိုပေမဲ့ တွေးမိတိုင်း မနေ့တနေ့ကလို ခံစားရမြဲပါ။

ခွေးသက်တမ်းစေ့၍ ကျွန်တော့်ခွေးပိန်လေးက ကျွန်တော့်ကို ထာဝရနှုတ်ဆက်သွားခဲ့ပါပြီ။ သူ့ပေါ်မှာရှိခဲ့သော ကျွန်တော့် သံယောဇဉ်ကတော့ ကျွန်တော် အသက်ရှင်နေသည့်တိုင် ရှိနေဦးမည်သာ ဖြစ်ပါတော့သည်။

ခင်မင်လေးစားလျက်

herostar

ပေါင်မုန့်တွေ၊ ပီဇာတွေနဲ့ နေ့စဉ်ဘဝကို ဖြတ်သန်းနေရတာ ကြာလေပြီ။ စားကောင်းလို့ စားနေမိတာတော့ မဟုတ်ပါ။ ဝယ်ရတာ လွယ်ကူခြင်း၊ အချိန်ကုန်သက်သာခြင်းများကြောင့်သာ ဒါတွေကို အားပြုစားနေရခြင်း ဖြစ်သည်။ အရင်တုန်းကတော့ ဗိုလ်စာ စားရတယ်ဆိုပြီး ကြိုက်သယောင်ယောင်ရှိခဲ့သည်။ ကြာကြာဝါးတော့ ခါးမှန်းသိလာသည်။ မြန်မာစာစားရတိုင်း အားရတင်းတိမ်လှသည်။ အီလည်လည်ဖြစ်သည့် ဥရောပစာများကို စားလာသည်မှာ နှစ်ချီနေပြီဖြစ်သော်လည်း အခုထိ ကျွန်တော့် အစာအိမ်က အနောက်တိုင်း အစားအစာများနှင့် ရင်နှီးတယ်ကို မရှိသေးပါ။

ဒီနေ့တော့ မြန်မာအစားအစာကို အားပါးတရ ချက်စားမိပါတော့တယ်။ အမျိုးသားတို့၏ နှလုံးလမ်းကြောင်းကို သွားရာလမ်းကြောင်းသည် ထမင်းကောင်း ဟင်းကောင်းချက်တတ်ခြင်းလို့ ကြားခဲ့ဖူးသည်။ မည်မျှပင် ဆိုးနွဲ့နေစေကာမူ အိမ်သူသက်ထားက ထမင်းကောင်းကောင်း ဟင်းကောင်းကောင်းလေး ချက်ကျွေးလိုက်လျှင် ဆိုးသမျှကို ပြုံးပြုံးကြီး ခံယူကာ အသက်ထက်ဆုံး ချစ်သွားကြသည့် လင်မယားစုံတွဲများကို မြင်ခဲ့ဖူးသည်။ တကယ်တော့ ထမင်းဟင်းချက်ရသည်မှာ အချိန်တော်တော်ကုန်လှ၏။

ခုပင် ကြည့်။ အညာသားပီပီ အညာထမင်းဟင်းလေး စားချင်တာကြောင့် အာရှမှ လာရောင်းသည့် ဈေးဆိုင်များကို သွားရသည်။ အရင်ဆုံး ကန်စွန်းရွက်တစ်စီး ဝယ်ပစ်လိုက်သည်။ အိမ်မှာတုန်းက ရေတွင်းဘေး ပေါက်နေတဲ့ ကန်စွန်းခင်းကြီးကို မုန်းမိသည်။ မေမေက ဗီတာမင်ရအောင် ချက်ကျွေးသည်ဟု ဆိုတိုင်း သူဈေးဖိုး ချွေတာချင်တိုင်း တို့ကို ချက်ကျွေးသည်ဟု အဖေ့ကို တိုးတိုးလေး ကပ်ပြောနေကျ ဖြစ်သည်။ ခုတော့ ဒီ ကန်စွန်းရွက်ကိုမှ စိတ်က လိုလိုလားလား စားချင်နေမိတော့သည်။ တကယ်ဆို ကန်စွန်းရွက် တစ်စီး၏ တန်ဖိုးမှာ ကြက်တစ်ကောင်ရဲ့ တန်ဖိုးထက် ပိုများနေသည်။ မြန်မာငွေအားဖြင့်တော့ ကန်စွန်းရွက်တစ်စီးကို ၄၀၀၀ ကျပ်နီးပါး ပေးရသည်။ ပုံလေးက ဒီမှာပါ။ ဒီကန်းစွန်းရွက်လေးက ထိုင်းနိုင်ငံကနေ လေယာဉ်စီးလာရလို့ ဈေးကြီးတာလည်း ဖြစ်နိုင်သည်။ သူ့ကို သေချာသင် ရေစင်အောင် ဆေးပြီးတာနဲ့ ကြက်သွန်ဖြူ၊ဂျင်း တို့နဲ့ အရောင်မပြောင်းခင် အလောတော်လေး ကြော်လိုက်ပါတယ်။ ခုလို ကြော်လိုက်တော့ တစ်ပွဲစာ ခုလိုလေး ရလာတာပေါ့လေ။

ပြီးတော့ နွေထနောင်း ဆောင်းမန်ကျည်းလို့ စကားပုံလာအတိုင်း ဆောင်းရာသီမှာ အနွေးဓာတ်ကို ပေးနိုင်တဲ့ မန်ကျည်းချဉ်ရည်လေးလည်း သောက်လိုက်ချင်သည်။ ဒါနဲ့ ဗီယက်နမ်ကနေ လေယာဉ်စီးလာ တဲ့ မန်ကျည်းရွက်ဗူးလေးကို ဝယ်ခဲ့ရပြန်သည်။ အိမ်မှာတုန်းကဆို ခြံထဲတင် အပင်ပေါ်ကြိုက်သလောက် တက်ခူးလို့ ရတဲ့ ဒီအရွက်တွေကို ခုတော့ ဈေးကြီး ပေးစားနေရ တော့တာပါ့။ မန်းကျည်းရွက်ချဉ်ရည်လေးသောက် လိုက်ရရင် အသဲကို အေးစေတယ်လို့ ခံစားရတယ်လေ။ ဒါနဲ့ပဲ ဒီမန်ကျည်းရွက်ဗူးလေးကို ဝယ်ခဲ့လိုက်တယ်။ ကျပ်၃၀၀၀ လောက်တော့ကျတာပေါ့လေ။ ပြီးတော့ မြန်မာမှန်ရင် ငပိကို မမေ့နဲ့။ စာပေမှာ ဗျည်းနဲ့ သရတော့ သတိရပါဦးကွယ် ဆိုတဲ့ တွံတေးသိန်းတန်ရဲ့ သီချင်းလေးကို သတိရမိသည်။ ဒါနဲ့ ငါးပိချက်စားဖို့ ပြင်ဆင်မှုတွေ လုပ်ပြီးတဲ့နောက် ခုလို ငပိချက်တစ်ခွက်ကို ထပ်မံရရှိပါသည်။ ငပိချည်းပဲ ချက်စားရင် သိပ်မကောင်းမှာစိုးတာနဲ့ အချဉ်ဓာတ်ကလေးလည်း ပါသွားအောင် မန်းကျည်းမှည့်လေးကို ရေစိမ်ပြီး ထည့်လိုက်သေးတယ်။ ချက်နည်းပေါင်း တစ်ထောင်လောက်ကို မြန်မာကျူးပစ်ဖိုရမ်ကနေ အလွတ်နီးပါးရအောင် ဖတ်ထားတာဆိုတော့ ဟင်းတော်တော်များ ချက်တတ်နေတာတော့ အမှန်ပင် ဖြစ်သည်။ မြန်မာပြည် ပြန်ရောက်ရင် ကျောင်းဆရာမလုပ်ဘဲ ထမင်းဆိုင် ဖြစ်ဖြစ်၊ မုန့်ဟင်းခါးဆိုင် ဖြစ်ဖြစ် ဖွင့်စားချင်စိတ်တောင် တခါတခါ ပေါက်မိရဲ့။ ဒီ ငပိချက်ဟင်းလေးနဲ့ တို့စားဖို့ ခရမ်းသီးပြုတ်လေးက ဒီဘက်မှာပါ။ သူနဲ့ လိုက်ဖက်တာက ပဲပြုတ်လေးလည်း ပါရင် ပိုကောင်းတာမို့ အခုလို ဆားလေးထည့်ပြီး ပြုတ်လိုက်ပါတယ်။ ဆီလေးဆမ်းပြီး ပဲပြုတ်သုတ်လေးလည်း ပါတော့ ကျွန်တော့် ထမင်းဝိုင်းလေးမှာ
၁။ ကန်စွန်းရွက်ကြော်
၂။ မန်ကျည်းရွက်ချဉ်ရည်
၃။ ငပိချက်
၎။ ခရမ်းသီးပြုတ်တို့နဲ့
၅။ ပဲပြုတ်ဆီဆမ်း
၆။ ပင်တိုင်စံ ငရုတ်သီး ငပိထောင်း လေးနဲ့

မြိုင်မြိုင် ဆိုင်ဆိုင်လေး ဖြစ်လာတဲ့ အခါ တစ်ယောက်တည်း အားပါးတရ စားလိုက်ချင်သည်။ သို့သော် အစားကောင်းလေး စားရတိုင်း သတိတရ ရှိနေတတ်တဲ့ ကျွန်တော့် ပင်ကိုယ်စိတ်ကြောင့် သူငယ်ချင်းမိတ်ဆွေ တွေကို အခုတော့ အွန်လိုင်းကနေပဲ ထမင်းစားလေးဖိတ်လိုက်ပါတယ်။ နောက်များ လူချင်းတွေ့ဖြစ်ရင်လည်း ကိုယ်တိုင် ချက်ကျွေးရတာပေါ့လေ။

ခင်မင်လေးစားစွာဖြင့်

herostar

ကိုနီကိုရဲကြီး လွဲသလို ကျွန်တော်တို့ရဲ့ နေ့စဉ်ဘဝတွေမှာလည်း လွဲကြတာပါပဲ။

ကျွန်တော်ရဲ့ အလွဲလေးတွေ ဖောက်သည် ချချင်လို့။ ဂျာမန်စကားသင်တန်းမှာပေါ့။ ဆရာက များများပြောနိုင်အောင် တစ်ယောက်နဲ့ တစ်ယောက် ပြောခိုင်းပါတော့တယ်။ ပြောခိုင်းတဲ့ အကြောင်းအရာက အားလပ်ရက် တစ်ရက်မှာ ရုပ်ရှင်ပဲ ဖြစ်ဖြစ် ကော်ဖီပဲ ဖြစ်ဖြစ် အတူတူ သွားသောက်ဖို့ ချိန်းဆိုခိုင်းတဲ့ အကြောင်းဆိုပါတော့။ ဂျာမန်စကားက သင်ရခက်တဲ့ ဘာသာတွေထဲမှာ ပါတယ်လို့ ကြားဖူးထားပေမဲ့ တကယ်သင်ကြည့်လေ ပိုခက်မှန်းသိလာလေပါပဲ။ ပြောရင် နားလည်ပေမဲ့ ပြန်ပြောဖို့ကျ တော်တော်လေး ကြိုးစားရပါတယ်။

အဲဒါနဲ့ ကျွန်တော်တို့ စပြောကြတာပေါ့လေ။ ရက်ချိန်းတောင်းတာဆိုတော့ မင်း စနေနေ့အားလား စသဖြင့် မေးရတော့တာပေါ့။ ကိုယ်ကတော့ အင်္ဂလိပ်လို တွေးပြီး ဂျာမန်လို ပြောချလိုက်တာပေါ့။

"မင်း စနေနေ့အားလား" "Are you free on Saturday?"
ဂျာမန်လို ဆိုတော့ "Bist du frei am Samstag" ပေါ့လေ။ ကိုယ့်အတွေးနဲ့ ကိုယ်တော့ ဟုတ်နေတာပေါ့။

ဒါပေမဲ့ ကျွန်တော်နဲ့ ပြောတဲ့ ကောင်မလေး မျက်နှာကြီး ရဲသွားတာကို သိလိုက်ရပါတယ်။ အင်း တစ်ခုခုများ မှားသွားပြီလားလို့တော့ တွေးလိုက်မိတယ်။ ဆရာက ရှင်းပြတယ်။ အဲလို မသုံးရဘူးတဲ့။

"Hast du Zeit am Samstag?" လို့ သုံးမှ မှန်တယ်တဲ့လေ။ ပထမပြောလိုက်တဲ့ မင်း အားလားဆိုတဲ့ အဓိပ္ပါယ်က မင်းမှာ အိမ်ထောင်မရှိဘဲ အားလပ်နေသလား။ လို့ ဆိုလိုတာတဲ့လေ။ တော်သေးတာပေါ့။ အတန်းထဲမှာ စကားပြောလေ့ကျင့်တာမို့လို့။ အင်း...နို့မိုဆို မလွယ်ဘူး။

မင်းမှာ အချိန်ရှိသလားလို့ မေးမှ မှန်တာတဲ့လေ။

နောက်တစ်ခုက အသံထွက်ပေါ့ဗျာ။ ကျွန်တော်တို့ အာရှသားတွေ ပီအောင် မထွက်နိုင်တဲ့ ဂျာမန်စကားလုံးတွေ ရှိပါတယ်။ အထူးသဖြင့် လည်ချောင်းသံကို သုံးပြီး ဆောင့်ကြီး အောင့်ကြီးပြောရတဲ့ စကားလုံးတွေဆို မရတာကများပါတယ်။ တနေ့ သူငယ်ချင်းတွေနဲ့ ကိုလုံကနေ ပြန်လာတော့ ဘူတာရုံမှာ ရထားစောင့်ရင်း သူငယ်ချင်း တစ်ယောက်နဲ့ စကားပြောဖြစ်တာပေါ့။

ကိုလုံမြို့က ဘုရားရှိခိုးကျောင်းကြီးက ဂျာမနီမှာ နာမည်ကြီးလေတော့ သူ့ကို မြင်စေချင်တာနဲ့

"Dom" လို့ လက်ညှိုးလေးထိုးပြီး ပြောလိုက်တာပေါ့။ ရုတ်တရက် သူခမျာ ကြောင်အမ်းအမ်းလေး ဖြစ်သွားပြီး

Was dumm? လို့ ပြန်ပြောလိုက်ပါတယ်။

ကျွန်တော်ကလည်း သူမကြားလိုက်လို့ နေမှာလေ ဆိုပြီး အသံလေး မြှင့်ပြီး

"größere Dom" လို့

ထပ်ပြောလိုက်တဲ့ အခါမှာတော့ သူလည်း မဖြစ်တဲ့ အဆုံး အင်္ဂလိပ်လို့ ပြောပါတော့တယ်။

What do you mean? ပေါ့။

အဲ အဲဒီတော့မှ ကျွန်တော်ကလည်း ကိုလုံမြို့က ဘုရားရှိခိုးကျောင်းကြီးဟာ နာမည်ကြီး ကျော်ကြားတဲ့အကြောင်း။ အဝေးကကြည့်ရင်ကို မြင်ရပြီး အံ့မခန်းလက်ရာတွေနဲ့ တည်ဆောက်ထားတဲ့အကြောင်း စီကာပတ်ကုံးပြောလိုက်မှ သူ့မျက်နှာလေး ပြုံးလာပါတော့တယ်။ ပထမအကြိမ် ကျွန်တော် ပြောလိုက်တုန်းက သူမ နားမလည် သွားတာက။

Dom နဲ့ dumm အသံထွက် ဆင်တူနေတာကြောင့်ပေါ့။ ပထမ အဓိပ္ပါယ်က ဘုရားကျောင်းဖြစ်ပြီး ဒုတိယ အဓိပ္ပါယ်က တုံးအသော ဖြစ်ပါတယ်။ ကျွန်တော် ဘုရားရှိခိုးကျောင်းကြီး ပြတာပါ။ ဒါကို သူမက သူမကို တုံးတယ်လို့ ပြောတယ် မှတ်ပြီး ဘာများ တုံးလို့လဲလို့ ပြောတဲ့အခါ ကျွန်တော်က ထပ်ပြီး အကြီးအကျယ်တုံးပါတယ်လို့ ပြောလိုက်သလို ဖြစ်သွားတယ်ဆိုတာ နောက်မှ သဘောပေါက်လိုက်ပါတော့တယ်။

တော်သေးတယ် ရင်းနှီးတဲ့ အတန်းဖော်မိတ်ဆွေတွေမို့။ နို့မိုဆို မလွယ်ဘူးပ့ါ။

ဂျာမနီတွင် စက်ဘီးတစ်စီး၏ အနည်းဆုံးတန်ဖိုးမှာ ယူရို ၁၀၀ နှင့် အထက်တွင် ရှိသဖြင့် မြန်မာငွေအားဖြင့် ၁ သိန်းခွဲ ၂ သိန်းဝန်းကျင်နီးပါးရှိသည်။ ပုံမှန် အလယ်အလတ် အကောင်းစားဆိုလျှင် ယူရို ၃၀၀ မှ ၁၀၀၀ ဝန်းကျင်အထိ ရှိလေသည်။ မြန်မာပြည်မှာကတည်းက စက်ဘီးစီးနေကျဆိုတော့ ဂျာမနီမှာလည်းစက်ဘီး စီးချင်နေမိသည်။ ဒီနိုင်ငံတွင် လူတွေက စက်ဘီးကို ကျန်းမာရေးအတွက် အဓိက ထားစီးတာက များသည်။ သူတို့ရဲ့ ကိုယ်ပိုင်ကားလေးတွေပေါ်မှာ စက်ဘီးလေးတွေကို တင်သွားကြပြီး အဖွဲ့လိုက် ပျော်ပွဲစားထွက်တဲ့အခါ မျိုးမှာလည်း စီးကြသည်။ သာမန်အားဖြင့်တော့ မာစီဒီးနဲ့ အိုပယ်၊ BMW စသည့် ကားများကိုသာနေရာတိုင်းတွင် တွေ့ရပေသည်။ စက်ဘီးတွေကတော့ ကျောင်းသားဆောင်တွေနှင့် ဘူတာရုံတချို့မှာသာ တွေ့ရပေသည်။

အာရှကနေ ကျောင်းလာတက်ရတဲ့သူပီပီ ဘာပဲ ဖြစ်ဖြစ် ကျောင်းသားတွက်တွက်ကာ ဈေးအချိုဆုံးရနိုင်မည့် စက်ဘီးလေး တစ်စီးလောက်တော့ လိုချင်နေမိသည်။ နောက်တော့ ကိုယ့်လို အာရှက သူငယ်ချင်းတစ်ချို့ကိုမေးမြန်းပြီး ဂျာမနီမှာ ဈေးအချိုဆုံးရနိုင်သည့် Floh Market တစ်ခုကို ရှာတွေ့ခဲ့သည်။ Floh Market ဆိုတာကတော့ အဟောင်းဆိုင်လို့ ပြောရမည် ထင်သည်။ ကွန်ပျူတာ၊ ရေခဲသေတ္တာ၊ ကားပစ္စည်း၊ စက်ဘီးဟောင်းမှ အစ အဝတ်အထည်နှင့် လူ့အသုံးအဆောင် ပစ္စည်းတော်တော်များများကို ဝယ်ယူနိုင်သည့်နေရာ ဖြစ်သည်။ ၁ ယူရိုနှင့် အထက် ဝယ်ယူနိုင်သလို မြန်မာပြည်မှာလိုပဲ ဈေးဆစ်လို့ ရသည်။ ပျံကျဈေး တစ်ခု ဖြစ်သလို အခွန်လွတ်ဈေးလည်း ဖြစ်သောကြောင့် တချို့ကျောင်းသားတွေ ကိုယ့်နိုင်ငံကိုယ်ပြန်တော့မည်ဆိုလျှင် ဤနေရာလေးမှာ မသယ်နိုင်တဲ့ ပစ္စည်းမှန်သမျှကို လာရောင်းကြသည်လည်း ရှိသည်။

ပစ္စည်းဟောင်း ရောင်းတာဆိုပေမဲ့ လာရောင်းသည့်သူများမှာ ကိုယ်ပိုင်ကားကိုယ်စီနဲ့ လာရောင်းကြခြင်း ဖြစ်သည်။ ဒီတော့ ကျွန်တော်လည်း စက်ဘီး အသစ်ဝယ်စီးရင်လည်း ကိုယ့်နိုင်ငံမသယ်နိုင်မဲ့ အတူတူ အဟောင်းလေးတစ်စီး ဝယ်ဖို့ ဆုံးဖြတ်ပြီး Floh Market ဘက်ကို ထွက်ခဲ့သည်။ တိုက်တိုက်ဆိုင်ဆိုင်ပါပဲ ။ စက်ဘီးဟောင်းတွေ ရောင်းနေတဲ့ နေရာကို ခဏနဲ့ ရှာတွေ့ခဲ့သည်။ အသစ်ဝယ်မည် ဆိုရင် ရာကျော်ပေးရမှာဆိုတော့ ခုလို အဟောင်းလေးကို သုံးလေးဆယ်နှင့် ဝယ်ချင်မိသည်။

ဆိုင်ရှင်က စက်ဘီးဟောင်းလေးကို ၃၀ ယူရိုဟုဆိုသည်။ ကျွန်တော်က ကျောင်းသားတစ်ယောက်ဖြစ်တဲ့အကြောင်း ဈေးလျော့ပေးဖို့ ဆစ်တော့တာပေါ့။ နောက် ဟိုလို ပြောလိုက် ဒီလို ပြောလိုက်လုပ်တာများတော့ဈေးသည်ကြီးက ကျွန်တော့်ကို ၁၅ ယူရိုနဲ့ ပေးလိုက်ပါတော့တယ်။ ပျော်တာပေါ့ ၁၅ ယူရိုနဲ့ စက်ဘီး တစ်စီးရတယ်ဆိုတော့လေ။ ဂျာမနီမှာ စက်ဘီး စီးမည်ဆိုရင် ညဘက်စီးတဲ့အခါ ရှေ့မီးနောက်မီးပါရသည်။မပါပါက ဒဏ်ရိုက်သည်ဟု ဆိုသည်။ ကျွန်တော်လည်း ဝယ်ရမှာ နှမြောတာနဲ့ ဒီတိုင်း စီးနေလိုက်တာ နောက်တော့ ရဲနဲ့ တည့်တည့်တိုးတာပေါ့။ ကျောင်းသားဖြစ်တဲ့အကြောင်း၊ အိမ်နဲ့ ကျောင်းက သိပ်မဝေးလို့မီးမတပ်မိကြောင်း ပြောတာပေါ့။ နောက်နေ့တွေမှာ တပ်ထားနော် ပြောပြီး လွှတ်ပေးလိုက်လို့ ရင်အေးသွားရသည်။ မဟုတ်ပါက ဒဏ်ငွေ ၁၀၀ ထက်မနည်း ရိုက်ခံရမှာ သေချာသည်။

ဒါနဲ့ ဒီနေ့တော့ မီးလုံးလေးတွေ ဝယ်တပ်လိုက်ရသည်။ ၁၂ ယူရို ပေးရတဲ့ အတွက် တော်တော်လေး နှမြောနေမိသည်။ စက်ဘီလေးကို ခတ်ဖို့ သော့ချိတ်လေး ဝယ်လိုက်ရတာက ၅ ယူရိုပေးရသည်။ ပြိုင်ဘီးဆိုတော့ ဒူကာမပါတော့ ဆောင်းရာသီမှာ နှင်းစင်တာကြောင့် ဒူးကာဝယ်တာက ၇ ယူရိုပေးရသည်။ လေထိုးတံလေးလည်း လိုသေးတာကြောင်း သူ့ကို ဝယ်ရတာက ၅ ယူရို ပေးရသည်။ အင်း .... အားလုံးပေါင်းလိုက်တော့ ယူရို ၃၀ နီးပါး ဖြစ်သွားသည်။ ဘီးတစ်စီးလုံးမှ ၁၅ ယူရိုပေးရသော်လည်း အပိုဆာလာလေးများထည့်လိုက်တဲ့အခါ စက်ဘီးဖိုးထက် နှစ်ဆဖြစ်သွားတာကို ကြည့်ပြီး အင်း ဆင်ဖိုးထက် ချွန်းဖိုးကြီးနေတာကို သိလိုက်ပါတော့သည်။ ဓားမဖိုးထက် လက်ခကြီးနေတဲ့အခါ ဘယ်လို လုပ်ရမလဲတောင် မသိတော့ပါ။

ကျန်းမာရေး မကောင်းသည့်အချိန်မှာ မိသားစု ကို ပိုလို့ သတိရမိသည်ဟု ထင်သည်။

ဖျားချင်ချင် ဖြစ်နေတာနှင့် ပါရာစေတမော့တစ်လုံး သောက်လိုက်သည်။ခက်တာက ဒီဆေးမစွမ်းတော့ဘူး ထင်သည်။ အိမ်မှာ သောက်တုန်းက ပျောက်သည်။ ခု မပျောက်။ ခုလိုသာ ဖြစ်နေချိန်ဆိုရင် မေမေက စောင်ခြုံပေးပြီး တက်နင်းပေးပါတော့မည်။ ဘာပဲဖြစ်ဖြစ် တိုက်လေ့ရှိသော သူ့ ဆေးခါးကြီးကိုလည်း အံကြိတ်ပြီး သောက်ရပါသည်။ ညီမလေးက နဖူးကို ခဏခဏ လာစမ်းပြီး ရေခဲစိမ် ပုဝါလေးကို လဲပေးနေမည် ဖြစ်သည်။ ဖေဖေကတော့ ရေနွေးကို ဆူအောင်တည်ပြီး ပါရာစေတမော့သောက်ရန် တတွတ်တွတ်ပြောရင်း မေမေနဲ့ ငြင်းခုန်နေမည်ဖြစ်ပါသည်။ ဆေးခါးကြီးနှင့် ပါရာစေတမော တစ်ခုခုသောက်ရသည်။ တခါတလေ နှစ်ခုလုံးသောက်ရသည်။ မိဘများ စိတ်ချမ်းသာအောင် သောက်၍လား မသိပါ။ နောက်နေ့ ဆို ပြန်ကောင်းနေတတ်သည်။

ခုတော့ ကျွန်တော် နေမကောင်း ဖြစ်နေသည်မှာ တစ်ပတ်ခန့် ရှိတော့မည်။ သတိအရမိဆုံးကတော့ မေမေ့ဆေးခါးကြီးပင် ဖြစ်သည်။ ဒီဆေးခါးကြီးသောက်ရမှာ ကြောက်တာနှင့် ပင် တော်တန်ရုံ ကျွန်တော် ဖျားလေ့မရှိပါ။ ဆေးခါးကြီးကစွမ်းလို့ ပဲလား ၊မိသားစု ချစ်ခြင်းမေတ္တာက စွမ်းလို့ ပဲလား မခွဲခြားတတ်ပါ။ အိမ်မှာဆိုရင် ကြာကြာမဖျားရဲတာတော့ သေချာသည်။ ခုလည်း ဖျားချင်လို့ ဖျားနေတာတော့ မဟုတ်ပါ။ အအိပ်မမှန်ခြင်း၊ အစားမမှန်ခြင်း၊အလုပ်များခြင်း၊စိတ်ရှုပ်ခြင်းများကြောင့် ဖြစ်မည် ထင်ပါသည်။

အိမ်တွင် အကြီးဆုံးသားမို့ သိပ်ချစ်ကြသည်။ ထမင်းစားပြီးလျှင် ပန်းကန်ဆေးလေ့မရှိသည်မှာ ကျွန်တော့်အကျင့် ဖြစ်သည်။ ထမင်းချက် ဟင်းချက် ဝါသနာပါ သလောက် ပန်းကန်ဆေးရမည်ကို သေမလောက် ကြောက်သူဖြစ်သည်။ မိသားစု လေးဦးသာရှိ၍ သိပ်ချစ်ကြတာလည်း ဖြစ်မည်။ ကံကောင်းသည်ဟု ဆိုရမည်။


ရာသီကူးပြောင်းချိန်မို့ လား မသိပါ။ ဤဒေသ၏ ထုံးစံအရ ရာသီလိုက်ဖြစ်တတ်တဲ့ ရောဂါများကို ကာကွယ်ရန်တွက် ကာကွယ်ဆေးထိုးရမည်ဆို၍ မနေ့ ကထိုးလိုက်မိသည့် ဆေးက ဒီနေ့ ပို၍ သတ္တိပြလာပါသည်။ ဆေးက ကာကွယ်သလား မကာကွယ်သလားတော့ မသိပါ။

ခုတော့ ဖျားနေပါသည်။ ရောဂါများသည် အပေါင်းအသင်းနှင့် ရောက်လာတတ်သည်ဟု ထင်ပါသည်။ လူက ဖျားပြီး ချောင်းက တဟွတ်ဟွတ်ဆိုးနေပါသည်။ နေရတာ တင်းကြပ်ကြပ်ကြီး ခံစားနေရပြီး ခေါင်းထဲကလည်း ကိုက်ခဲနေသည်။ မျက်လုံးများက ဝေဝါး၍ နေပြီး ညည်းစီစီဖြစ်နေပါသည်။ ခုတော့ ကျွန်တော်၏ မိသားစုသည် အင်တာနက်ကို ဂျီတော့မှ လွဲ၍ ကျန်တာသိပ်မသိသူများ ဖြစ်သောကြောင့် သူတို့ နှင့် ဝေးကွာနေချိန်၌ ဖြစ်ပေါ်နေသော ဤခံစားချက်များကို သူတို့ ဖတ်မိလိမ့်မည် မဟုတ်ပါ။

သူတို့ ကို ပြောပြနေရင်လည်း စိတ်မကောင်းတာက လွဲလို ဘာမှ လုပ်ပေးနိုင်ကြမည် မဟုတ်ပါ။ မေမေ့ကို ရောဂါ ပေးသလို ဖြစ်ပြီး ဖေဖေ့ကို စိတ်ဆင်းရဲ စေလိမ့်မည် ဖြစ်သည်။ ညီမလေးရဲ့ မျက်ရည်များကိုမမြင်ချင်သလို မေမေ၏ စိုးရိမ်သံများကိုလည်း မကြားလိုလှပါ။ သူတို့ နှင့် အွန်လိုင်းမှာ တွေ့ သည့်အခါတိုင်း အဆင်ပြေ၊ ကျန်းမာ၊ နေကောင်းကြောင်းများသာ ပြောနေကြဆိုတော့လည်း ခုလို နေမကောင်းဖြစ်လာသောအခါ နေမကောင်းကြောင်းပြောပြဖို့ စိတ်ကူးပင်မရှိပါ။

လူနေမကောင်းသည့်အခါ စိတ်နေကောင်းစေရန် ခံစားချက်များကို ဖောက်ထုတ်ခွင့် ပေးသော ဤနေရာလေးကို ခုံမင် နှစ်သက်မိပါသည်။ ကျွန်တော်၏ တချို့ သော သူငယ်ချင်းများမှ လွဲ၍ ဤအကြောင်းအရာကို မည်သူမှ သိလိမ့်မည် မဟုတ်ပါ။ သိသည့်တိုင်အောင်လည်း စိတ်ဝင်စားလိမ့်မည် မဟုတ်ပါ။

ဒီလို အချိန်မျိုးမှာ ကျွန်တော်၏ ရင်တွင်း စကားများကို မညည်းမငြူ နားဆင်ပေးတတ်သော ဤ ဘလော့လေးကိုကျွန်တော် ချစ်ပါသည်။ ဤ နေရာ၌ ကြိုက်သလောက် စိတ်ကူးယဉ်ခွင့်ရှိသည်။ ပျော်စရာဖြစ်စေ၊ စိတ်ညစ်စရာ ဖြစ်စေ ဤနေရာလေးက သူ၏ စာမျက်နှာများပေါ်၌ ကျွန်တော်၏ ခံစားချက်များကို မှတ်တမ်းတင်ပေးထားလေ့ ရှိသည်။ တစ်ယောက်တည်းသမားများအတွက် သူသည် မိဘဖြစ်၍ သူသည်ပင် သူငယ်ချင်း ဖြစ်နေတော့သည်။အလုပ်လုပ်လျှင်လည်း သူနှင့်ပဲ လုပ်ရပြီး အပန်းဖြေလျှင်လည်း သူ့ ကိုပင် အားကိုးနေရသည်။

ခုလို တကယ်ခံစားနေရသည်များကို ပြောချလိုက်ရတော့ ရောဂါသက်သာသွားခြင်း ရှိမရှိတော့မသိပါ။ စိတ်သက်သာရာ ရသွားသည်တော့ သေချာသည်။ ဂီလာန ဖြစ်တတ်တဲ့ ရောဂါဆိုပေမဲ့ နောက်လှည့်ကြည့်ရင်ကိုယ့်အရိပ်က လွဲလို့ ဘယ်သူမှ မရှိသော တစ်ယောက်တည်းနေ့ ရက်များကို မုန်းတီးနေမိတာတော့ အမှန်ပင်။

herostar