သူငယ်ချင်းတို့ကို ဂျာမနီနိုင်ငံရဲ့ လယ်တောတစ်ခုဆီကို ခေါ်သွားပါရစေ
သောကြာညနေတစ်ခုမှာ သူငယ်ချင်းတွေနဲ့ အတူ ဂျာမနီနိုင်ငံမှာ ရှိတဲ့ လယ်သမားမိသားစု အိမ်လေးကို အလည်ရောက်ရှိခဲ့ပါတယ်။ ဒီလယ်သမားအိမ်လေးမှာ ဇနီးမောင်နှံနှစ်ဦးနဲ့ အတူသားငယ်လေးတစ်ယောက် ရှိပါတယ်။ သူတို့ ပိုင်ဆိုင်တဲ့ မြေအကျယ်အဝန်းကတော့ ဟက်တာအားဖြင့် ၂၀၀ ကျော်လို့ ပြောပါတယ်။ ဧကအားဖြင့် ၅၀၀ ကျော်ပိုင်ဆိုင်တာပေါ့လေ...

ဒီမြေဧက ၅၀၀ ကျော်ကို လူဘယ်နှစ်ယောက်လုပ်ကိုင်ပါသလဲလို့ မေးတဲ့အခါမှာတော့ သူတို့ လင်မယားနှစ်ယောက်အပြင် တခါတလေမှာတော့ သူတို့ အဖေနဲ့ အမေက ကူညီပါတယ်တဲ့။
ဒါဆို ဧက ၅၀၀ ကျော်ကိုလူ ၄ ယောက်တည်းနဲ့ ထွန်ယက်စိုက်ပျိုးနေတာပေါ့လေလို့ အံ့အားသင့်စွာ
မေးလိုက်မိပါတယ်...သူတို့ တွက်တော့ ဒါဟာမထူးဆန်းပါဘူးတဲ့လေ...ဒီမြေဧက ၅၀၀ အပြင် နို့ စားနွား အကောင် ၄၀ ကိုလည်း မွေးမြူထားပါသေးတယ်...ဒီနို့ စားနွား အကောင် ၄၀ ကို ဘယ်လိုများ နို့ ညှစ်ယူလဲဆိုတာကတော့တော်တော်လေးကို အံ့သြမိပါတယ်...ရွာမှာ နွားကျောင်းရင်း ကြီးပြင်းခဲ့ရတဲ့သူအတွက် နွားတွေကိုအစာကျွေးရတဲ့ ဒုက္ခ၊ ရေတိုက်ရတဲ့ ဒုက္ခ၊ နွားချေးကျုံးရတဲ့ ဒုက္ခတွေ ဘယ်လောက်များမှန်း တွေးကြည့်ရုံနဲ့တင်မလွယ်မှန်းသိသာနေပါပြီ ဘယ်လို ညှစ်လဲ သိရအောင် ဗွီဒီယိုလေးပါ တင်ပေးလိုက်တယ်နော်..


သို့ ပေမဲ့ သူတို့ ဘယ်လို အစာကျွေးတယ် ဘယ်လို နို့ ညှစ်ယူတယ်ဆိုတာကို သိလိုက်ရတော့ ကျွန်တော် အံ့သြမိပါတော့တယ်။ ဘာ့ကြောင့်လဲဆိုတော့ သူတို့ နွားနို့ ကို လက်နဲ့ ညှစ်တာမှ မဟုတ်တာလေ...နွားနို့ကို စက်နဲ့ ညှစ်ကြတာဗျ ကိုယ်မှ မမြင်ဖူးတာလေ..နို့မညှစ်ခင် ဒီဘက်အခန်းလေးထဲမှာ သူတို့ကို ဒီလိုတွေ့ရပါတယ်
သူတို့က အချိန်တန်လို့ အစာစားချင်တဲ့အခါ နွားနို့ညှစ်တဲ့အခန်းလေးထဲကို ဖြတ်ရပါတယ်..အဲဒီအခါမှာတော့
ခုမြင်တွေ့ရသလို နို့ညှစ်ကြပါတော့တယ်

မော်တာနဲ့ တချက်တချက် စုပ်လိုက်တိုင်း နို့ကျောတွေခုလိုတင်းနေတာကို တွေ့ရပါတော့တယ်
ခုလိုပိုက်လိုင်းတွေနဲ့ မော်တာကိုသုံးပြီးရရှိလာတဲ့ နွားနို့တွေကိုတော့ ခု မြင်ရတဲ့ နွားနို့ကန်ကြီးနဲ့ သိုလှောင်ကြပါတော့တယ်။
လေစုပ်ခွက် လေးလုံးဖြင့် ဤကဲ့သို့ နို့မညှစ်ခင် ပထမဦးစွာ လက်ဖြင့် အနည်းငယ် ညှစ်ပြီး အရှိန်ယူပါတယ်။ အဲဒီနောက်မှာတော့ လေစုပ်ခွက်ဖြင့် ၁၅ မိနစ်မျှ စုပ်ယူပြီးတဲ့နောက်မှာတော့ ဒဏ်ရာ အနည်းငယ်သက်သာစေ
ရန် Betadine ကဲ့သို့ ဆေးရည်လေးကို သုတ်လိမ်းပေးပါတယ်. အဲဒီနောက်မှာတော့ သူတို့ကို အစာကျွေးတဲ့အခန်းဘက်ဆီကို သွားစေပြီး အစာကျွေးပါတော့တယ် သူတို့ကို ကျွေးတဲ့နွားစာတွေကို ခုလိုတွေ့မြင်ရပါတယ်
အစာစားနေ့တဲ့ နွားလေးတွေဒီနွားစာတွေကို သိုလှောင်ထားတဲ့ နွားစာတိုက်ကိုလည်း ခုလိုတွေ့မြင်ခဲ့ရပါတယ်
ခြံရှိနွားများကို ကျွေးရန် တစ်နှစ်စာ နွားစာများကို ခုလို မိုးကာများဖြင့် အုပ်မိုး၍ အစိုဓာတ်မပျက်စေရန် ထားရှိသည်ဟု ရှင်းပြပါသည်။ ထို့ကဲ့သို နွားစာများအပြင် ရောင်းရန် ထားရှိသောနွားစာများကိုလည်း ခုလို
စနစ်တကျထားရှိသည်ကို မြင်တွေ့ခဲ့ရပါတယ်
ဧက ၅၀၀ ကျော်ကို ထွန်ယက်သည့် လယ်ထွန်စက်များနှင့် လယ်ယာသုံး စက်ပစ္စည်းများကိုလည်း ခုလို ရိုက်ကူးခဲ့ပါတယ်။
ဒါတွေကတော့ ထွန်စက်အကြီးစားတစ်ခုလို့ ပြောပါတယ်

ဒီနေ့ရာမှာ ထူးဆန်းတာတစ်ခုက နွားတွေကို ရေတိုက်တဲ့ စနစ်တစ်ခုဖြစ်ပါတယ်..နွားတွေ ရေကောင်းရေသန့်
သောက်နိုင်ဖို့အတွက် သူတို့ကို Tap တစ်ခုတပ်ထားတဲ့ ရေခွက်လေးတစ်ခုပဲထားရှိပါတယ်။
ရေသောက်ချင်တဲ့နွားဟာ အဲဒီ ခလုတ်လေးကို ပါးစပ်လေးနဲ့ ဖိလိုက်ရပါတယ် အဲဒီအချိန်ကျမှ ရေကထွက်လာ
ပြီးနွားဟာ လိုသလောက်ရေကို သောက်သုံးနိုင်မှာ ဖြစ်ပါတယ်..ဒီလိုသောက်တတ်အောင် ဘယ်လိုသင်ပေးလဲလို့ မေးလိုက်တော့ သင်ပေးစရာမလိုတော့ဘူးတဲ့လေ..အရင် သူတို့ထက် အသက်ကြီးတဲ့
နွားကြီးတွေက သင်ပေးတာတဲ့လေ..တစ်ကောင်ပဲ သင်ပေးလိုက်ရင် နောက်အကောင်တွေက လိုက်သောက်
တတ်ကြတယ်လို့ ပြောပါတယ်...ပြီးတော့ ဒီကောင်တွေက ပန်းသီးပင်ကို ကိုယ်နဲ့ တိုက်ပြီး ပန်းသီးကျွေလာအောင်အရင် လုပ်တယ်..ပြီးမှ အတူတူစားကြတဲ့ထိ အသိကြွယ်ဝပုံကိုလည်း ပြောပြပါသေးတယ်

နွား ၆ ကောင်အတွက် ဒီခွက်ကလေးတစ်ခုပဲထားပေးပါတယ်...လိုအပ်တဲ့ရေကို လိုအပ်သလောက်အချိန်ပြည့်သောက်သုံးနိုင်ရန် ပိုက်လိုင်းဖြင့် သွယ်တန်းထားသည်ကိုတွေ့မြင်ရပါသည်။ခုမြင်ရတဲ့ နွားခြေထောက်က အဝတ်စလေးကတော့ ဒီနွားရဲ့ ခြေထောက်မှာ ဒဏ်ရာရနေတယ်ဆိုတဲ့ သဘောကို ပြောတာဖြစ်ပါတယ်...သူတို့ ဆီမှာ နွားတစ်ကောင် မွေးပြီဆိုတာနဲ့ ချက်ချင်းပဲ မှတ်ပုံတင် ဌာနကို အကြောင်းကြားရပါတယ်...ပြီးတဲ့နောက်မှာတော့ အဲဒီနွားလေးကို မှတ်ပုံတင်နံပါတ်လေးတစ်ခု ပေးပြီ နွားရွက်မှာ ဖောက်ပြီး တပ်ပေးထားလိုက်ပါတယ်..မှတ်ပုံတင်မှာတော့ ဘယ်နေ့မှာ မွေးဖွားတယ်ဆိုတာနဲ့
တကွ အမှတ်စဉ်ကို ပါ ဖော်ပြထားပါတယ်...ဒါကတော့ ခြံထဲရှိနွားများ၏ သက်တမ်းနှင့် ကိုယ်ဝန် ဆောင်ရန် မည့်သည့်နေ့ မည့်သည်အကောင်အလှည့် စသဖြင့် သိရှိနိုင်ရန် မှတ်သားထားသည့် နွားစာရင်း ဖြစ်ပါသည်။
ဒါကတော့ နောက် ၃ ရက်နေရင် မွေးတော့မယ်ဆိုတဲ့ သားလွယ်ထားရတဲ့ နွားမကြီးတစ်ကောင်ရဲ့ ပုံပါ

ဤသို့ မှတ်တမ်းတင်ထားသည်မှာ ပျမ်းမျှ အသက် ၃ နှစ်ခန့် ရှိသောအခါ သားတင်ရန် ရက်ရွေးချယ်ခြင်းဖြစ်ပြီး ကိုယ်ဝန်ဆောင်ပြီးပါကလည်း စတင်ကိုယ်ဝန်ဆောင်ချိန်မှ စ၍ မွေးဖွားချိန်ကို ခန့်မှန်းတွက်ချက်ကာ တိရိစ္ဆာန်ကုဆရာဝန်ကိုပါ မွေးဖွားချိန်တွင် အရန်သင့် ခေါ်ယူထားကြောင်းပြောပြပါတယ်...ခုမြင်တွေ့ရမှာကတော့ ၆ ရက်သား နွားသားပေါက်လေးကို မှတ်ပုံတင်နံပါတ်နှင့်တကွ တွေ့မြင်ရမှာဖြစ်ပါတယ်
၆ ရက်သားနွားသားပေါက်လေးရဲ့ နားမှာတော့ သူ့ရဲ့ မှတ်ပုံတင်နံပါတ်ဖြစ်ပါတယ်။
သူ့ကို မွေးပြီးကတည်းက မိခင်နဲ့ တွေ့ခွင့်မပေးတော့ပါဘူး...လိုအပ်တဲ့ နို့ကို ခုလို နို့ဗူးအကြီးစားဖြင့်
တိုက်ပြီး ကြီးသည်ထိ မွေးမြူပါတော့တယ် သူတို့ကို နို့တိုက်ပုံကတော့ ဒီလိုပါ

လယ်သမားမိသားစု နေတဲ့ အိမ်ကလေးကိုလည်း ခုလိုတွေ့မြင်ရတယ်..
သူတို့မှာ မာစီတီးကားတစ်စီးရှိပြီး ကုန်တက်ကားနှင့် လယ်ယာသုံးကားများလည်း ရှိပါတယ်။ အမျိုးသားရော
အမျိုးသမီးပါ ဘွဲ့ရများ ဖြစ်ကြပြီး အင်္ဂလိပ်စကားလည်း အနည်းငယ်ပြောတတ်သည်ဟုပြောပါတယ်..မိဘအမွေ
လုပ်ငန်းမို့သာ ဆက်လက်လုပ်ကိုင်ကြရတာ ဖြစ်ပြီး မနက်တခါ ညနေတစ်ခါ ခုလို စက်နဲ့ နို့ညှစ်ရတဲ့တွက်
အလုပ်များကြောင်းလည်း ပြောပါသေးတယ်...

ခြံထဲရှိ နို့စားနွားတစ်ကောင်၏ တန်ဖိုးမှာ ခန့်မှန်းငွေအားဖြင့် ယူရို ၁၅၀၀ နီးပါးရှိသဖြင့် စုစုပေါင်းနွားအကောင် ၁၀၀ မျှရှိသောသူတို့အဖို့ ချမ်းသာသည်ဟု ပြောရမည်ဖြစ်ပါသည်။ သို့သော်သူတို့က သာမန်မျှသာ ဖြစ်သည်ဟု ပြန်လည်း ဖြေကြားခဲ့ပါသည်။ Opel ကားတစ်ပတ်ရစ်လောက်ကို ယူရို ၃၀၀၀ မျှသာရှိသဖြင့်
နွားနှစ်ကောင်ဟာ ကားတစ်စီးနှင့် ညီမျှနေသောသူတို့အဖို့ နွားကို ကားထက် တန်ဖိုးထားကြကြောင်း ပြောပါသေးတယ်..သူတို့လယ်ကွင်းလေးထဲက သစ်ပင်လေးတစ်ပင်ကိုကြည့်ရင်း စိတ်ထဲမှာ မဖော်ပြနိုင်သော ခံစားမှုတစ်ခု ဝင်လာပါတော့တယ်
လယ်သမားလင်မယားနှစ်ဦးနဲ့ အတူ ကျွန်တော်တို့ သူငယ်ချင်းတတွေလည်း နှုတ်ဆက်ဓာတ်ပုံရိုက်ရင်း ပြန်လာခဲ့ကြပါတော့တယ်။
ခင်မင်လေးစားစွာဖြင့်

herostar